قاموس قطع كهرباء المولدات عربي إنجليزي: الأسماء والوظيفة
نفس القطعة ليها أكتر من اسم في السوق — ده الاسم الإنجليزي اللي في الدليل والكتالوج.
الإجابة باختصار
إيه اسم قطعة المولد دي بالإنجليزي؟
الجدول تحت فيه الأسماء المتداولة لقطع كهرباء المولد الديزل والاسم الإنجليزي المستخدم في الأدلة والكتالوجات ووظيفة كل قطعة. مثلاً: السبيد كنترول = Speed governor، البيك أب = Magnetic pickup (MPU)، البريدج الدوار = Rotating rectifier.
في السوق المصري نفس قطعة المولد بتتسمى بأكتر من اسم، والدليل والكتالوج بيكتبوها بالإنجليزي. القاموس ده بيربط الاسم المتداول بالاسم الفني ووظيفة القطعة في المولد الديزل — مش في العربيات ولا في كهرباء البيوت. لكل قطعة رابط للقسم بتاعها في الكتالوج.
قطع كهرباء المولد: الاسم المتداول والإنجليزي والوظيفة
| الاسم المتداول | الاسم الإنجليزي | الوظيفة |
|---|---|---|
| كنترول المولد / شاشة المولد | Generator controller (control module) | بيشغّل ويوقف ويحمي المولد ويقرا الحساسات والجهد |
| شاشة AMF | AMF controller (Automatic Mains Failure) | بتراقب الشبكة وتشغّل المولد وتحوّل الحمل لما الشبكة تقطع |
| منظم الجهد (AVR) | Automatic voltage regulator (AVR) | بيثبّت فولت الدينامو بالتحكم في تيار الإثارة |
| الإكسايتر | Exciter | دينامو صغير على نفس العمود بيغذي ملف المجال الرئيسي |
| الدايودات الدوارة / بريدج الدوار | Rotating rectifier (diode bridge) | بيحوّل خرج الإكسايتر AC إلى DC لملف المجال |
| الفاريستور | Varistor (surge suppressor) | بيحمي الدايودات الدوارة من الجهد المفاجئ |
| PMG | Permanent magnet generator (PMG) | مصدر تغذية مستقل للـ AVR في بعض الدينامو |
| سبيد كنترول / الجفرنر / كارت السرعة | Speed governor (speed control unit) | بيقارن السرعة بالمضبوطة ويأمر الاكتواتور |
| الاكتواتور | Actuator | بيحرّك ذراع الوقود حسب أمر الجفرنر |
| حساس السرعة / البيك أب | Magnetic pickup (MPU) | بيقرا أسنان الفلاي ويل ويبعت نبضات للكنترول والجفرنر |
| حساس ضغط الزيت | Oil pressure sender | قراءة مستمرة لضغط الزيت للكنترول |
| مفتاح ضغط الزيت | Oil pressure switch | بيفتح أو يقفل عند ضغط واحد للحماية |
| حساس حرارة المياه | Coolant temperature sender | قراءة حرارة المياه للكنترول |
| حساس مستوى الوقود | Fuel level sender | قراءة مستوى الوقود في التانك |
| سولينويد الوقود | Fuel shut-off solenoid | بيفتح الوقود للتشغيل ويقفله للإيقاف |
| سولينويد الإيقاف | Stop solenoid | بيوقف المحرك لما يتغذى (Energise to stop) |
| المارش | Starter motor | بيدوّر المحرك وقت التشغيل |
| دينامو الشحن | Charging alternator | بيشحن البطارية والمحرك شغال (طرف D+) |
| شاحن البطارية | Battery charger | بيحافظ على شحن البطارية من الشبكة والمولد واقف |
| لوحة ATS / مفتاح التحويل الأوتوماتيك | Automatic transfer switch (ATS) | بيحوّل الحمل بين الشبكة والمولد لوحده |
| مفتاح تحويل يدوي | Manual changeover switch | تحويل الحمل بالإيد بين مصدرين |
| كونتاكتور | Contactor | مفتاح قدرة بيقفل بملف كهربائي |
| ريليه | Relay | مفتاح صغير بملف لدوائر التحكم |
| قاطع المولد | Generator circuit breaker | بيحمي خرج المولد من زيادة الحمل والقصر |
| محول التيار (CT) | Current transformer (CT) | بيصغّر التيار لقياسه في الكنترول (ثانوي 5 أمبير مثلاً) |
| مفتاح الطوارئ | Emergency stop button | بيقطع تغذية الوقود والمارش فوراً |
| كونتاكت التشغيل (المفتاح) | Key / ignition switch | تشغيل وإيقاف يدوي في اللوحات البسيطة |
| كارتة المحرك (ECU) | Engine control unit (ECU / ECM) | بتتحكم في حقن الوقود وتبعت الأعطال على J1939 |
ليه الاسم الإنجليزي مهم
لما تطلب قطعة، الاسم الإنجليزي ورقم القطعة هما اللي بيحددوها بالظبط. كلمة عامة زي "حساس" أو "ريليه" ممكن تقصد قطعة عربية أو منزلية؛ "حساس ضغط زيت مولد" مع رقم القطعة بيحدد المطلوب.
حساسات المولداتخطوات البرمجة والكتالوجات والأدوات المرتبطة
مرتبط بهذا المقال
مقالات أخرى قد تهمك
محتاج فني للعطل ده في القاهرة أو الجيزة؟ صيانة وإصلاح كهرباء المولدات